yuh is real patriotic trini when yuh know wat a sunday lunch consists of, when yuh know wat it is to "wash wears", when yuh know wat is ah CEPEP phone. when yuh know how to "mop a drop", when yuh know how to "pull bull", when yuh know how that you dont need a fork to eat roti, when yuh line up for hours tuh buy a cheap cell phone, when yuh know how to "storm ah maxi", when yuh know how to "play whe", when yuh weekend does start on a thursday evening, when yuh go for kfc on a friday evenin and den go to a bar. when yuh goin or went tuh "brain cooler" and "back to school", When yuh know wat was "Celebs", when yuh know dat d governtment playin d ass an u cant do anything bout it cuz most ppl still votin for race, when yuh know how tuh "bad beg" and "bad spend", when yuh know wat is "comess" "kanki" a "badting" a "maco" and when yuh know that soon every dog, cat, parakeet and yard fowl go have a cell fone. thnx to Digicel & Bmoblie.. AH LIE?!? LayTaz!
When yuh could proudly boast that u had ah Alipang once in yuh life,or ah Gyul ah rush me,or ah G.I.....
When ah man say "brakes padnah",yuh know how to hide dat jack....
When yuh could cut down all kinda madbull wit ah lil chickichong that have ah razor on de ayo......
When yuh know all de songs on sesame street from de 70's till now...
When you could remember Boy,Girl,Animal,Place,Thing....
When you used to beat up yuh washikongs for spite,cause dey ugly too bad....
When yuh does come out wit yuh house an land to lime,when it raining...
When yuh know about de double kick up wit silver fox dat used to show in Pyramid...
If yuh spend most of yuh form 4 and form 5 days inside Pyro too..
If yuh absolutely had to watch Vincent and Katherine on sunday nites before u go in yuh bed..
--------------------------------------------------------------
De Butcha Shop
fellaz fellaz....
allyuh really making me laugh meh balls off....
thaz some serious but true sh#t man...
wa bout breaking "beesh" to go to the arcade....or check ah "lil ting" ......allyuh no wa ah talkin' bout...
If u know that slight pepper really means MORE PLEASE......if you used to collect carib bottles an go in de parlor an sell dem for 25 cents....if u used to make ah pass by people property an jump de wall if dey have ah mango tree,or plum or pommerac....when u could make chow with any and EVRYTHING under de sun-mango,chennet,chataigne,downs,cocorite,grougrou bouef,topee tambeux,mammecepote,peewah,balata,series,pimmento...
--------------------------------------------------------------
De Butcha Shop
abdoolah...pardner....chow is wa ah was forgettin....
ppl ah lovin allyuh comments....
but wey de patriotic ladies???
ah sure it have some ah dem who love comess an bacchanal an ting....
abdoolah...pardner....chow is wa ah was forgettin....
ppl ah lovin allyuh comments....
but wey de patriotic ladies???
ah sure it have some ah dem who love comess an bacchanal an ting....
dem ladies only patriotic when yuh mention MACHEL..otherwise,dem doh care at all nah...all dey want is ah pretty boy fella to take dem to Royal Castle on fridays an Zen on de weekends..
--------------------------------------------------------------
De Butcha Shop
